Do sik èk sarbon (kréol rényoné)

Lavé in fwa, dann falèz Bérnika, a koté in basin té ranpli èk fèy sonz é do lo blé, lavé in fé té viv dann inn ti kaz. Inta flèr té antour ti kaz la. Li té apèl la Fé Belle des Nénuphars. Li lavé in gran rob blé èk in gran sapo koulèr flèr son zardin. Li té pa mové fé la. Non ! Okontrèr, li té in bon fé. In zantiy fé. In gayar ti fé. Li té déplas zamé san son zwazo : Gouni lo Fouké. In fwa dann lané, li té kit son kaz lo dé dèrnyé zour mwa dnovamb pou alé vizit in pé son band zami, lé zot fé, dann in landrwa sékré. Lo zour po vwayazé larivé !